ئه‌مه‌ریکا به‌ فه‌رمی دانی به‌ حه‌بی کۆڕۆنا دانا

ده‌سته‌ی خۆراك و ده‌رمانی ئه‌مه‌ریكی ئه‌مڕۆ چوارشه‌م به‌ فه‌رمی دانی به‌ حه‌به‌كه‌ی كۆمپانیای فایزه‌ر نا بۆ ڕووبه‌ڕووبوونه‌وه‌ی په‌تای كۆڕۆنا.

كۆمپانیای فایزه‌ر ئاشكرای كرد: ده‌سته‌ی خۆراك و ده‌رمانی ئه‌مه‌ریكی ئه‌مڕۆ چوارشه‌م به‌ فه‌رمی دانی به‌ حه‌بی (پاكسلۆڤید) نا كه‌ وه‌ك حه‌ب و له‌ ڕێگه‌ی ده‌مه‌وه‌ ده‌درێت به‌ تووشبووانی په‌تای كۆڕۆنا.

كۆمپانیاكه‌ ئاشكراشی كرد كه‌ حه‌بی پاكسلۆڤید ده‌درێت به‌و كه‌سانه‌ی كه‌ تووشی كۆڕۆنا بوونه‌ و باری ته‌ندروستییان خراپ یان مه‌ترسیداره‌.

جه‌ختیشی كرده‌وه‌ كه‌ له‌ چه‌ند ڕۆژی داهاتوودا‌ ده‌ست به‌ دابه‌شكردنی حه‌به‌كه‌ ده‌كه‌ن و له‌نه‌خۆشخانه‌كان ده‌درێت به‌ هاووڵاتییانی ئه‌مه‌ریكی.