گه‌رمیان .. له‌ ڕووداوێکی هاتووچۆدا 2 که‌س گیانیان له‌ده‌ستدا

 لەسەر ڕێگای کەلار پەروێزخان بەهۆی پێکدادانی دوو ئۆتۆمبێلەوە دوو کەس گیانیان لەدەست دا.
له‌ راگه‌یاندراوێكدا، به‌ڕێوه‌به‌رایه‌تی هاتووچۆی گه‌رمیان بڵاویكرده‌وه‌: به‌یانی ئه‌مڕۆ شه‌ممه‌ 25 ى 12 ى 2021 ،  لەسەر ڕێگای کەلار مەرزی نێو دەوڵەتی پەروێزخان دوو ئۆتۆمبێل لە جۆری (توێتا لاندکرۆزەر و بارهەڵگر) پێکیاندا و دوو کەس گیانیان لەدەستدا، هەر دووکیان لەناو ئۆمبێلی لاندکرۆزەرەکەدابوون، بەپێی زانیاریە سەرەتاییەکان بەڕەگەز عەرەبن.
هاتووچۆی گه‌رمیان راشیده‌گه‌ێنێت: ڕووداوەکە بەشێوەیەک ڕویداوە ئۆتۆمبێلی جۆری لاندکرۆزەر بەئاراستەی مەرزی نێو دەوڵەتی پەروێزخان ڕۆشتوەو ئۆتۆمبێلی جۆری بارهەڵگر بەپێچەونەوە لەنزیک گوندی "حەوش کوڕو"ی سەربەناحیەی قۆرەتوو پێکیانداداوە.
هاتووچۆی گه‌رمیان ئاماژه‌ بۆ ئه‌وه‌شده‌كات: لێکۆڵینەوە لەلایەن تیمی هاتووچۆوە دەستی پێکردوە بەمەبەستی زانینی هۆکاری ڕووداوەکە.