پاش کەمێکی دیکە تەرمی قوربانییانی ڕووداوەکەی نۆکەندی ئینگلیز دەگەڕێندرێنەوە کوردستان

بڕیارە درەنگانی ئەمشەو تەرمی ئەو کۆچبەرانەی کە لە نۆکەندی ئینگلیز بەهۆی نقومبوونی بەلەمەکەیان گیانیان لەدەستدابوو بگەڕێندرێنەوە هەرێمی کوردستان.

پەیامنێری (کوردستان تیڤی) ڕایگەیاند: دوای کاتژمێر 01:00ـی درەنگانی ئەمشەو یەکشەممە تەرمی ئەو 16 کۆچبەرە کوردەی کە لە نۆکەندی ئینگلیزدا خنکابوون لە ڕێگەی فڕۆکەخانەی نێودەوڵەتیی هەولێرەوە دەگەڕێنرێنەوە هەرێمی کوردستان.

ڕاشیگەیاند: بڕیاربوو تەرمەکان کاتژمێر 04:30ـی بەرەبەیانی ڕۆژی شەممە بگەیشتبانەوە هەرێمی کوردستان، بەڵام بەهۆی گونجاونەبوونی ڕەوشی کەش و هەوا دواخرا.

ئه‌مه‌ له‌ كاتێكدایه‌ كه‌ فه‌رمانگه‌ی میدیا و زانیاریی حكوومه‌تی هه‌رێمی كوردستان ڕایگه‌یاندبوو: بەرەبەیانی رۆژی هەینی 24 کانوونی یەکەمی 2021، لەسەر ئەرکی مەسرور بارزانی سەرۆکی حکوومەتی هەرێمی کوردستان و لە ڕێگەی فڕۆکەخانەی نێودەوڵەتی هەولێرەوە، تەرمی ئەو 16 قوربانییەی کە لە ئاوی نێوان فەڕەنسا و بەریتانیا لە ڕۆژی 24 تشرینی دووەمی 2021 گیانیان لەدەست دا، دەگەڕێندرێنەوە هەرێمی کوردستان.