کەسێک بە تۆمەتی لێکردنەوە و دزینی کامێرای چاودێری ماڵان، لەلایەن پۆلیسی هەلێرەوە دەستگیر کرا.
بەڕێوەبەرایەتی پۆلیسی هەولێر ڕاگەیەنراوێکی بڵاوکردەوە و تێیدا هاتووە "دوای ئەوەی لە سۆشیال میدیا گرتەیەکی ڤیدیۆیی بڵاو بووەوە کە تێیدا تۆمەتبارێک هەڵدەستێ بە لێکردنەوە و دزینی کامێرای چاودێریی ماڵان، دەستبەجێ هێزەکانمان لە بەڕێوەبەرایەتی پۆلیسی پارێزگای هەولێر، بەشی پۆلیسی نەهێشتنی تاوان، دەستیان بە لێکۆڵینەوەیەکی چڕ و ورد کرد".
ئەوەشی خستەڕوو کە هێزەکانییان توانییان لە ماوەی کەمتر لە (24 کاتژمێر)دا تۆمەتبارەکە بە ناوی (ھ.خ.ب) بدۆزنەوە و دەستگیری بکەن.
پۆلیسی هەلێر ئاماژەی بەوەش دا کە تۆمەتباری ئاماژەپێکراو پێشینەی تاوانی هەیە و دانی ناوە بە چەندین تاوانی دیکەی دزیکردندا، ئێستاش بە بڕیاری دادوەری لێکۆڵینەوە و بەپێی ماددە (446) لە یاسای سزادان ڕاگیراوە و لێکۆڵینەوەش لەگەڵیدا بەردەوامە.
کۆمێنت (0)
تا ئێستا هیچ کۆمێنتێک نەکراوە.