ھێزەکانی سوپای عێراق لە میانی ئۆپەراسیۆنێکدا، تیرۆریستێکی داعشیان لە باکووری پارێزگای بەغدا ناوەڕاستی ئەو وڵاتە، کوشت.
شانەی راگەیاندنی ئەمنی سەربە نووسینگەی سەرۆکوەزیرنی عێراق بڵاوی کردەوە کە پشت بەستن بە زانیاریە ھەواڵگرییەکان، ھێزەکانی سەربە فەرماندەیی ئۆپەراسیۆنەکانی بەغدا، ئۆپەراسیۆنێکیان بۆسەر حەشارگەیەکی داعش لە باکووری پارێزگای بەغدا دەست پێ کردووە.
راشیگەیاندووە کە لە میانی ئۆپەراسیۆنەکەدا، تیرۆریستێکی داعش کە پشتێنەیەکی بۆمبڕێژکراوی لەخۆبەستبوو، کوژراوە.
باسی لەوەش کردووە کە پشتێنە بۆمبڕێژکراوەکە لەلایەن تیمەکانی پووچەڵکردنەوەی بۆمبەوە، پووچەڵکراوەتەوە و ئاماژەی بەوەیش داوە کە ئۆپەراسیۆنەکە، بەردەوامە.
کۆمێنت (0)
تا ئێستا هیچ کۆمێنتێک نەکراوە.