لەسەر فەرمانی نێچیرڤان بارزانی، سەرۆکی ھەرێمی کوردستان لە ڕێگەی لیژنەیەکەوە بەدواچوون بۆ سەنگەرەکانی پێشمەرگە دەکرێت و سەرچاوەیەکی ئاگاداریش رایدهگهێنێت، پێداویستیی سەنگەرەکان پڕدەکرێنەوە و سەنگەرەکان تۆکمە دەکرێن بەڕووی تیرۆریستاندا.
سەرچاوەیەک لە ھێزی پێشمەرگە، بە ماڵپەڕی فەرمیی پارتی دیموکراتی کوردستانی ڕاگەیاند: دوای ڕووداوەکانی ماوەکانی ڕابردوو و دەستپێکردنەوەی ھێرشەکانی چەکدارانی داعش بۆ سەر ھێزەکانی پێشمەرگە، سەرۆکایەتیی ھەرێمی کوردستان بەدواداچوونی بۆ سەنگەرەکانی پێشمەرگە دەست پێ کردووە و لە ڕێگەی لیژنەیەکەوە ھەموو سەنگەرەکانی پێشمەرگە بەسەر دەکرێنەوە و لە کێشە و پێداویستییەکانی سەنگەرەکانی پێشمەرگە دەکۆڵێنەوە بە مەبەستی چارەسەرکردنی ھەر کێشەیەک.''
سەرچاوەکە گوتیشی: لیژنەکەی سەرۆکایەتیی ھەرێمی کوردستان دەیانەوێت سەنگەرەکانی پێشمەرگە بەڕووی تیرۆریستانی داعشدا تۆکمە بکرێن و ئەو بۆشاییە ئەمنییەی ھەیە پڕ بکرێتەوە، تا دەرفەت بۆ تیرۆریستانی داعش نەمێنێت ھێرشی سەر ناوچە کوردستانییەکان و سەنگەرەکانی پێشمەرگە بکەن.
سەرچاوەکە ڕوونی کردەوە: بڕیارە لە ژمارەیەک میحوەر خانوو و سەنگەری نوێ بۆ پێشمەرگە دروست بکرێت و لە ھەندێ میحوەریش دەست بە دروستکردنیان کراوە، ھەر پێداویستییەکی سەربازی و ھێزەکانی پێشمەرگەش ھەبێت لەلایەن سەرۆکایەتیی ھەرێمی کوردستانەوە پڕ دەکرێتەوە، ئەوەش ھەنگاوێکی گرینگە بۆ ئەوەی سەنگەرەکانی بەرگری زیاتر تۆکمە بکرێن.
کۆمێنت (0)
تا ئێستا هیچ کۆمێنتێک نەکراوە.