بەڕێوەبەرایەتی پۆلیسی ڕاپەڕین کەمێک پێش ئێستا ڕایگەیاند، لە شاری ڕانیە تەرمی ئافرەتێک گەیەنراوەتە پزیشکی دادوەری کە شوێنی فیشەک بە جەستەیەوە هەیە.
لە ڕاگەیەنراوی بەڕێوەبەرایەتییەکەدا هاتووە "لە ناحییەی چوارقوڕنەی سەر بە قەزای ڕانیە لە نزیك پێشانگاکانی ئۆتۆمبێل ڕووداوێڪی تەقەکردن ڕوویدا، لە ئەنجامدا کەسێك بەناوی(پ.ن.م) لە ڕەگەزی مێ لە دایڪبووی ساڵی 1971 پیشە ژنی ماڵ دانیشتووی هەولێر- پیرزین گیانی لە دەستدا".
ڕوونیشی کردەوە کە ئێستا دوو کەس بە تۆمەتی تەقەکردنەکە دەستگیرکراون و لێکۆڵینەوە لەگەڵیان بەردەوامە.
ئاماژەی بەوەشدا "پەڕاوی لێڪۆڵینەوە ڪرایەوە، تەرمی ناوبراو دوای ئەنجامدانی پشڪنینی توێڪاری لە پزیشکی دادوەری ڕانیە ڕادەستی کەسوکاری کرایەوە، دووپاتیشی کردەوە کە لێکۆڵینەوە لە ڕووداوەکە بەردەوامە".
جێی باسە لەماوەی 15 ڕۆژی ڕابردوودا ئەمە سێیەم حاڵەتی کوشتنی ئافرەتە لە هەرێمی کوردستان تۆمار دەکرێت.
کۆمێنت (0)
تا ئێستا هیچ کۆمێنتێک نەکراوە.