مه‌سرور بارزانی و سه‌رۆك وه‌زیرانی قه‌ته‌ڕ له‌ كۆبوونه‌وه‌دان

مه‌سرور بارزانی ، سه‌رۆكی حكوومه‌تی هه‌رێمی كوردستان و شێخ خالید بن خه‌لیفه‌ سه‌رۆك وه‌زیرانی قه‌ته‌ڕ له‌ كۆبوونه‌وه‌دان.
 به‌یانی ئه‌مڕۆ چوارشه‌ممه‌ 16 ی 2 ی 2022، مەسرور بارزانی، سەرۆكی حكومەتی هەرێمی كوردستان  له‌گه‌ڵ وەزیری بازرگانی  و وزه‌ی قه‌ته‌ڕ كۆبۆوه‌. 
هەر ئەمڕۆش مەسرور بارزانی، سەرۆكی حكومەتی هەرێمی كوردستان و میری قەتەر كۆدەبنەوە.
جێی باسە سەرلەبەیانی دوێنێ سێشەممه‌ مەسرور بارزانی، سەرۆكی حكوومەتی هەرێمی كوردستان لەسەر بانگهێشتی فەرمی میری قەتەڕ (شێخ تەمیم بن حەمەد ئالسانی) و بە یاوەری شاندێكی حكوومەتی هەرێم سەردانی وڵاتی قەتەڕی كرد.
سەرۆكی حكوومەتی هەرێمی كوردستان لە تویتێكدا ڕایگەیاند كە پەیام و خواستی گەلەكەی لەگەڵ خۆی بردووەتە قەتەڕ.