پارێزگارێ دهۆكێ و سهروكا دهستهیا وهبهرهێنانێ یا بریتانى عیراقى (IBBC)داكوكیێ لسهر ئهنجامدانا پرۆژێن وهبهرهێنانێ دكهن
ئهڤرۆ سپێدێ رۆژا چارشهمبى 16/ 2 /2022 بهرێز د.عهلى تهتهر پارێزگارێ دهۆكێ پێشوازیا خانم (بارونا ئیما نیكلسون) سهروكا دهستهیا وهبهرهێنانێ یا بریتانى عیراقى (IBBC) ودهزگایێ ئهمار بو كاروبارێن مروڤایهتى وشاندێ دگهلدا كر.
دههڤدیتنهكێدا ب ئامادهبونا سهروكێ ژورا بازرگانى ل دهۆكێ وچهند سهرمایهدارێن پارێزگههێ بهحسێ پهیوهندیێن دوو قولى دناڤهبهرا ههرێما كوردستانێ و دهولهتا بریتانیا دبیاڤێ ئابورى وبازرگانى وبهرهێنانێ وگهشتیارى وچاندنێ دا هاته كرن .
ههروهسا بهحسێ رهوشا پارێزگههێ وكارتێكرنا كورونایێ ل سهر كاروبارێن گشتى یێن هاولاتیان ورهوشا ئاواره وپهنابهران ل سنورێ پارێزگههێ وكلتورێ پێكڤه ژیانێ وههڤدوو قهبولكرنێ ل دهڤهرێ هاته كرن.
دتهوهركێ دن دا ئاماژه ب سازكرنا كونفراسهكێ بارزگانى و وهبهرهێنانێ ل مهها گولانا ئهڤ ساله ل لهندهن هاته كرن وبهرێز پارێزگارێ دهۆكێ ژى هاته ڤهخواندن بو پشكداریكرنێ دوى كونفراسیدا.
پارێزگارێ دهۆكێ خوشحالیا خو ب سهرهدانێ دیاركر و پشكداریكرنا خو دكونفرانسێ ناڤبرى دا قهبولكر وپێشنیاركر كو دهستهیا وهبهرهێنانێ یا بریتانى عیراقى (IBBC) ودهزگایێ ئهمار بو كاروبارێن مروڤایهتى پتر سهنگا خو بێخنه سهر پرۆژێن وهبهرهینانێ ل پارێزگههێ دبیاڤێ گهشتیارى وچاندنێ و بهرههمئینانا كارهبێ ب رێكا تیشكا رۆژێ و ئاڤا بهنداڤا.
سهروكا دهستهیا ناڤبرى تهكهزكر كو لناڤا بهرنامێن كونفراسى دێ هاندانا وهبهرهێنهر وكومپانیێن بریتانى كهن كو پرۆژێن ناڤبرى ل پارێزگهها دهۆكێ ئهنجامدهن.
کۆمێنت (0)
تا ئێستا هیچ کۆمێنتێک نەکراوە.