رژێمی بەشار ئەسەد، بانگەشەی ئەوە كرد كە ئیسرائیل بە مووشەكی زەمین-زەمین هێرشی كردووەتە سەر چەند خاڵێكی سەربازیی لە دیمەشقی پایتەختی سووریا.
ئاژانسی هەواڵیی "SANA"ی سەربە رژێم، بەپشت بەستن بە سەرچاوە سەربازییەكان، بڵاوی كردەوە كە كاتژمێر 23:35 بە كاتی ناوخۆ، ئیسرائیل بە مووشەكی زەمین-زەمین هێرشی كردووەتە سەر ژمارەیەك خاڵی سەربە هێزەكانی رژێمی ئەسەد لە دەورووبەری ناحیەی زاكیە باشووری دیمەشق.
لە هەواڵەكەدا باس لەوە كراوە كە دەنگی تەقینەوە بیستراوە و هاتووە لەو هێرشەدا كە لە بەرزاییەكانی جۆلانی داگیركراوەوە ئەنجامدراوە، زیانی ماددیی كەوتووەتەوە''.
لە دیمەشق و دەورووبەری جگە لە خاڵی سەربازیی سوپای رژێم، خاڵی سەربازیی گرووپە تیرۆریستییەكانی ژێر فەرمانی سوپای پاسدارانی ئێران و حزبوڵڵا جێگیركراون.
ئیسرائیل لە دەسپێكی جەنگی ناوخۆیی سووریا لە 2011ەوە ماوە ماوە هێرش دەكاتە سەر خاڵە سەربازییەكانی گرووپەكانی سەربە ئێران و رژێمی بەشار ئەسەد.
بەرپرسانی ئیسرائیل بە گشتی خۆیان دەدزنەوە لە لێدوان دان لەبارەی ئەو هێرشانەی دەكرێنە سەر خاكی سووریا.
کۆمێنت (0)
تا ئێستا هیچ کۆمێنتێک نەکراوە.