سەرۆكی هەرێمی كوردستان سەرەخۆشی لە خانەوادەی زیگی مارچ دەكات

نێچیرڤان بارزانی، سەرۆكی هەرێمی كوردستان لە پەیامێكیدا سەرەخۆشی لە خانەوادەی زیگی مارچ، سیاسەتوان و ئەندامی پێشووی پەرلەمانی ئەڵمانیا دەكات.
دەقی پەیامەكەی سەرۆكی هەرێمی كوردستان ....
بەداخەوە هەواڵی كۆچی دواییی سیاسەتوان و ئەندامی پێشووی پەرلەمانی ئەڵمانیا و دۆستی دێرینی گەلی كوردستان، زیگی مارچم پێگەیشت.
پرسە و سەرەخۆشی لە كەسوكار و هاوڕێ و دۆستانی دەكەم و هاوسۆز و هاوبەشی خەمیانم.
لە خوای مەزن داواكارم گیانی بخاتە بەر بەزەیی و میهرەبانیی خۆی و دڵنەوایی و ئارامی بە كەسوكاری ببەخشێت.
نێچیرڤان بارزانی
سەرۆكی هەرێمی كوردستان
2022/2/17