رێنماییەكانی تایبەت بە چۆنێتی هەڵگرتن و به‌كار هێنانی ده‌رمان

بۆ ئەوەی سوود لە دەرمانەكانت وەربگریت ئەم ڕێنماییانە جێبەجێ بكە، گرنگه له‌ كاتی به‌كار هێنانی ده‌رمان بۆ ئه‌وه‌ی ده‌رمانه‌كه‌ سودت پێ بگه‌یه‌نێت یان به‌ پێچه‌وانه‌وه‌ زیانت پێ نه‌گه‌یه‌نێت:

1- بەبێ ڕێنمایی پزیشك نابێت هیچ ده‌رمانێك به‌كار بهێنرێت.

2- نابێ ڕاوێژ به‌كه‌سانی نه‌شاره‌زا بكه‌یت دەربارەی دەرمانەكانت.

3- مه‌رج نیه‌ دووكه‌س هه‌مان نه‌خۆشییان هه‌بێت و له‌ هه‌مان جۆر ده‌رمان كه‌ڵك وه‌ربگرن.

4- چۆن بۆت نوسرابوو به‌و شێوازه‌ ده‌رمانەكانت به‌كاربهێنه‌.

5- ئه‌گه‌ر له‌پر گرفت دروست بوو له‌كاتی به‌كارهێنانی ده‌رمان دا پێویستە بەكارهێنانی بوه‌ستێنیت، به‌ زوترین كات سه‌ردانی نه‌خۆشخانه‌ بكه‌.

6- پرسیار بكه‌ لە پزیشكەكەت كە ئایا پێش نان یان دوای نان خواردن ده‌رمانه‌كه‌ به‌كاردێت.
7- راسته‌وخۆ ده‌رمانه‌كه‌ت قوت بده‌.

8- كۆرسی ته‌واوی ده‌رمان به‌كاربهێنه‌ به‌ بێ زیادو كه‌م، ته‌نانه‌ت ئه‌گه‌ر هه‌ستت به‌باشبونی ته‌ندروستیت كرد، نابێت به‌كارهێنانی رابگیرێت مه‌گه‌ر به‌ رێنمایی پزیشكه‌كه‌ت.

9- ده‌رمان له‌ شوێنی باوه‌رپێكراو و دڵنیایی وه‌ربگره‌، وه‌ك ئه‌و شوێنانه‌ی كه‌ ده‌رمانخانه‌ی فه‌رمین و پسپۆری ده‌رمانساز به‌رێوه‌ی ده‌به‌ن.

10- به‌بێ رێنمایی پزیشكه‌كه‌ت ده‌رمان به‌كارمه‌هێنه‌ره‌وه‌ و دووباره‌ی مه‌كه‌ره‌وه‌.

ئه‌و هۆكارانه‌ی كە بەكارهێنانی ده‌رمان بێ سوود ئه‌كه‌ن:

1- ده‌رمانه‌كه‌ له‌لایه‌ن كه‌س یان چاره‌سه‌ركاری نه‌شاره‌زاوه‌ نوسرا بێت.

2- وه‌ك پێویست جورعه‌كان وه‌رنه‌گریت و به‌كاریان نه‌هێنیت یان له‌ بیرت بچن.

3- زۆربه‌كارهێنانی ده‌رمان به‌ بێ گه‌رانه‌وه‌ بۆ كه‌سی پسپۆر.

4- خراپێ جۆر ( كواڵتی) خودی ده‌رمانه‌كه‌.

5- ده‌رمان له‌ نزیك شوێنی چێشت لێنان و لەپلەی گەرمی بەرز دامه‌نێ ڕەچاوی پلەی ئاسایی دەرمانەكان بكە.

6- بۆ ماوه‌یه‌كی زۆر ده‌رمان هه‌ڵمه‌گره‌.

ژێده‌ر- تەندروستی سلێمانی