سهرۆكی حكوومهتی ههرێمی كوردستان له پهیامێكدا ڕایگهیاند كه پێویسته توندوتیژی و تاوان دژ به ئافرهتان بوەستێنرێ، چونكه هیچ شهڕهفێك له ژن كوشتندا نییه.
مهسرور بارزانی سهرۆكی حكوومهتی ههرێمی كوردستان ڕاشیگهیاند: تەنیا لەم ساڵەدا 9 ئافرەتی بێتاوان لە ئەنجامی توندوتیژی خێزانییەوە کوژراون، لەگەڵ وەزیری ناوخۆ گفتوگۆمان كردووه و پشتگیری خۆمم بۆ سزادانی تاوانباران دووپات کردەوە.
دهقی پهیامهكهی مهسرور بارزانی سهرۆكی حكوومهتی ههرێمی كوردستان:-
زۆر نیگەران و خهمبارم به ڕووداوەکانی ئەم دواییەی توندوتیژی دژ بە ژنان و ئافرەتان لە هەرێمی کوردستان. لێرهدا دووبارهی دهكهمهوه كه هیچ شهڕەفێک له ژن كوشتندا نییه.
لەگەڵ وەزیری ناوخۆ لەسەر ڕووداوی دڵتهزێنی شنیار خان گفتوگۆمان كرد و ستایشی كارمهندانی پۆلیسم کرد بۆ دەستگیرکردنی تاوانبارهكه و پشتگیری خۆمم بۆ سزادانی تاوانباران دووپات کردەوە.
تەنیا لەم ساڵەدا، 9 ئافرەتی بێتاوان لە ئەنجامی توندوتیژی خێزانییەوە کوژراون، ئەم تاوانانە دهبێت بوەستن و وەک خەڵکی کوردستان، نابێت قبوڵی بکەین، وەک حکومەتیش ئێمە ھاوکار و پاڵپشتی دادگا دەبین لەسەپاندنی توندترین سزا بۆ ئەم تاوانانە.
من سوورم لە سەر پاراستنی هەموو ژن و کچ و منداڵێک كه له مهترسیدان. دەزانم کە پێویستی بە کات و پابەندبوونێكی جدی هەیە، ھەربۆیە بنبڕکردنی ئەم دیاردە نامرۆڤانەیە، پێویستی بە بهشداریی ههموومان هەیە وەک چالاکانی کۆمەڵگەی مەدەنیی و بهرپرسان و کەسایەتییە ئاینیی و کۆمەڵایەتییەکان ، ھەروەھا پێویستمان بە ئەنجامدانی چاكسازیی لە سیستەمی دادوەریدا ھەیە .
ئێمە ھەموو ھەوڵی خۆمان دەخەینەگەڕ بۆ کۆتاییھێنان بەم تاوانانە.
مەسرور بارزانی
سەرۆکی حکومەتی ھەرێمی کوردستان
کۆمێنت (0)
تا ئێستا هیچ کۆمێنتێک نەکراوە.