ئەڤرو روژا چارشەمبی حکۆمەتا ئەلمانیا بریارا درێژکرنا ماوێ سوپایێ خوە ل عێراقێ داو 9 مەهێن دی سەربازێن ئەلمانیا ل عێراقێ د ئەرک دا دبن.
شتیڤان هیبشترایت ئاخفتنکەرێ حکۆمەتا ئەلمانیا راگەهاند پشتی پروژە یاسایا هاتیە ئامادەکرن ژلایێ وەزیرا بەرگریا ئەلمانیا و وەزیرا دەرڤەیا ئەلمانیا و دانوستاندن دگەل فراکسیونێن ناڤا پەرلەمانێ ئەلمانیا ژ بو درێژکرنا ماوێ سوپایێ ئەلمانیا ل عێراقێ ئەڤرۆ دەنگ ل سەر ڤی پروژەی هاتە دان و 500 سەرباز و راوێژکارێن ئەلمانیا ژ بو ڤی نەبەستێ د ئەرک دا دبن ل عێراقێ .
بەشەک ل شارەزایان ئاماژە کر د گەل پەسەندکرنا ڤێ بریارێ گورانکاری بسەر ئەرکێن سوپایێ ئەلمانیا دهێن ل دەرڤەی ئەلمانیا دناڤا ڤێ پروژە یاسایێ دا ئیدی سوریا وەکۆ گورەپانا شەر ناهێت دیتن پشتی سەرەدانا بەری چەند روژان یا وەزیرا بەرگریا ئەلمانیا بو هەولێر و بەغدا و سەرەدانا بنگەهێ سەربازی یێ سوپایێ ئەلمانیا ل دیڤ داخازیا حکۆمەتا عێراقێ و ژلایەک دیڤە کۆ هێشتا داعش و گروپێن چەکدار مەترسی نە بۆ سەر عێراقێ ئەلمانیا ئەڤ بریارە دا.
هێژایێ گوتنێ یە ئەلمانیا ل هەرێما کوردستانێ زێدەتر ژ 80 راوێژکار و سەربازان هەنە هەروەسان بەشەک ژ هێزێن ئەلمانیا چاڤدێریا راداران دکەن ل بنگەهێ عین ئەسەد و بنگەهێ سەرەکی یێن هێزێن ئەلمانیا ل وەلاتێ ئوردنێ یە و تایبەتی ژی بنگەهێ ئەزرەق دابین کرنا سوتەمەنیێ بۆ فروکێن هەڤپەیمانا ئەرژێ سوپایێ ئەلمانیا بو.
کۆمێنت (0)
تا ئێستا هیچ کۆمێنتێک نەکراوە.