وەزارەتی کارەبا ڕایگەیاند، بەهۆی شەپۆڵێ بەفر و سەرماوە ئاستەنگی هاتووچۆ دروستبووە و ناتوانن بگەنە زۆر لەو شوێنانەی دووچاری گرفت بوونە.
وەزارەتی کارەبای هەرێمی کوردستان ئەمڕۆ پێنجشەممە ڕایگەیاند: بههۆی شەپۆڵی بەفر و سەرماوە، ئاستەنگی هاتوچۆ دروستبووە و تیمەکانی کارەبا ناتوانن بگەنە زۆرێک لەو شوێنانە کە تۆڕەکانی کارەبا تووشی گرفتی تەکنیکی بوونە.
ڕاشیگەیاند: تیمەکانی کارەبا سەرەڕای ئەم دۆخە سەختەی کەشوهەوا لە هەوڵی بەردەوام دان بۆ چارەسەرکردنی گرفتە تەکنیکییەکانی کارەبا و ئاساییکردنەوەی دۆخەکە.
ئاشکراشی دەکات کە گرفتی هێڵەکانی گواستنەوە و تۆڕەکانی دابەشکردنی کارەبا بەم شێوازەی خوارەوە لە سەر ئاستی پارێزگاکان ڕووی داوە
سلێمانی: 30 فیدەر
هەولێر: 176 فیدەر
دهۆک: 30 فیدەر
گەرمیان: 6 فیدەر
کۆی گشتی: 242 فیدەر
کۆمێنت (0)
تا ئێستا هیچ کۆمێنتێک نەکراوە.