حکوومه‌تی هه‌رێم پڕۆژه‌یه‌کی کاره‌با له‌ پارێزگای سلێمانی جێ به‌جێ ده‌کات

حكوومه‌تی هه‌رێمی كوردستان، به‌ گوژمه‌ی زیاتر له‌ 142 ملیۆن دینار پڕۆژه‌یه‌كی كاره‌با له‌ پارێزگای سلێمانی جێ به‌جێ ده‌كات.
 ئه‌مڕۆ سێشه‌ممه‌ 25 ى 1 ى 2022، له‌ ڕاگه‌یاندراوێكدا، به‌ڕێوه‌به‌رایه‌تی گشتی كاره‌بای سلێمانی بڵاویكرده‌وه‌: لەسەر بودجەی داهاتی (8%) بەبڕی زیاتر (142) ملیۆن دینار پرۆژەیەكی كارەبا لەسنووری بەڕێوەبەرایەتی دابەشكردنی كارەبای سلێمانی جێبەجێ دەكرێت.
به‌ڕێوه‌به‌رایه‌تی گشتی كاره‌بای سلێمانی ڕاشیده‌گه‌ێنێت: پرۆژه‌كه‌ بریتیه‌ له‌ده‌ركردنی فیده‌ری نوێ 403 له‌وێستگه‌ی كوردسات/ وێستگه‌ی كوردسات فیده‌ری 403 له‌سلێمانی.
هه‌روه‌ها له‌ به‌شێكی دیكه‌ی ڕاگه‌یاندراوه‌كه‌دا هاتووه‌: كۆى بودجه‌ى پرۆژەکەش بریتیه‌ له‌ (142.694.610) سه‌دو چل و دوو ملیۆن و شه‌ش سه‌دو نه‌وه‌دو چوار هه‌زارو شه‌ش سه‌دو ده‌ دینار، كه‌ لەلایەن کۆمپانیای (ژیكاڵ) جێبەجێ دەکرێت، وا بڕیارە لەماوەی (60) رۆژدا كارەكانی تەواو بكرێت.

داڕشتنه‌وه‌ی هه‌واڵ - شوان عه‌زیز