وەزارەتى دارایى و ئابووری لە بەرژەوەندى کەمئەندامان چەند بڕیارێکى دەرکرد

وه‌زاره‌تی دارایی و ئابووری حكومه‌تی هه‌رێمی كوردستان، رێنمایی دارایی ژمارە 3ی ساڵی 2022 تایبەت بە دەرماڵەی لە بڕی کەم ئەندامی بڵاوكرده‌وه‌.
بەپێى نوسراوێکى وەزارەتى دارایى و ئابوورى حكوومه‌تی هه‌رێمی كوردستان، كه‌ واژۆى ئاوات جەناب نورى، وەزیرى دارایى و ئابوورى لەسەرە و ڕاگه‌یاندراوه‌: پاڵپشت بەیاساى چاکسازى، لە موچە و دەرماڵە و بەخشین و ئیمتیازاتەکانى خانەنشینى لە هەرێمى کوردستان و پاڵپشت بە یاسای هەموار و یاساى ماف و ئیمتیازاتەکانى کەم ئەندام و خاوەن پێداویستى تایبەت بڕیاردرا بە:
1 - دیاریکردنى مافى  دەرماڵەى لەبرى کەم ئەندامى، بەڕێژەى 50% لە موچەى بنەڕەتى کەم ئەندامى فەرمانبەر، بەمەرجێک لە 100 هەزار دینار تێپەڕ نەکات.
2 - دەرماڵەى هاتوو بەپێى رێژەى کەم ئەندامى دیارى دەکرێت لەلایەن لیژنەیەکى پزیشکى پسپۆڕەوە، بەپێى پێوەر و رێنماییەکانى وەزارەتى کارو کاروبارى کۆمەڵایەتى، بەهەماهەنگى وەزارەتى تەندروستى.
3- لەکاتى خانەنشینکردنى فەرمانبەرى کەم ئەم بڕى 100 هەزار دینار وەک هاوکارى خەرجدەکرێت بۆ کەمئەندامى خانەنشینکرا و لەبەڕێوەبەرایەتى تۆڕى پاراستنى کۆمەڵایەتى.
4- راسپاردنى فەرمانگە تەکنەلۆژیاى زانیارى لەسەرۆکایەتى ئەنجومەنى وەزیران بۆ پێشکەشکردنى ئاسانکارى تەکنیکى لەچوارچێوەى پڕۆگرامى تۆمارى بایۆمەترى موچەخۆران تایبەت بەسەرجەم وەزارەت و دەستە و لایەنەکانى نەبەسترا و بە وەزارەت، بەمەبەستى دەستنیشانکردنى ئەو فەرمانبەرانەى بەخشین وەردەگرن لە لیستى کەم ئەندام و خاوەن پێداویستى تایبەت، تا بارودۆخیان بگونجێنرێت لەگەڵ بڕگەکانى ئەم بڕیارە.
5- ئەم رێنماییە لە رۆژى بڵاوکردنەوەى بڕیارى ئەنجومەنى وەزیران ژمارە 84ى ساڵى 2020، لە رۆژنامەى واقعى کوردستان جێبەجێدەکرێت.