سەرۆکی هەرێمی کوردستان پرسەنامەیەکی ئاراستەی کەسوکاری خوالێخۆشبوو شێخ خاڵس بەرزنجی کرد.
دەقی پرسەنامەکەی سەرۆکی هەرێمی کوردستان:-
بۆ کۆچی دواییی خوالێخۆشبوو شێخ خالس بەرزنجی، کەسایەتیی دیاری هەولێر و پەروەردەکاری بەئەزموونی کوردستان، پرسە و سەرەخۆشی لە خانەوادە و کەسوکاری بەڕێزیان و لە پەروەردەکارانی کوردستان دەکەم، هاوسۆز و هاوخەمیانم.
خوالێخۆشبوو دڵسۆزانە ساڵانێکی درێژی تەمەنی بە خزمەتی پەروەردە و پەروەردەکاران بەخشی و لەمبارەیەوە جێپەنجەی دیارە. لە خوای مەزن داواکارم گیانی بە بەهەشت شاد بکات و ئارامی و دڵنەوایی بە خانەوادە و کەسوکاری ببەخشێت.
نێچیرڤان بارزانی
سەرۆکی هەرێمی کوردستان
2022/1/29
کۆمێنت (0)
تا ئێستا هیچ کۆمێنتێک نەکراوە.