وەزیری دەرەوەی عێراق، فوئاد حوسێن لە پەیوەندییەکی تەلەفۆنیدا لەگەڵ وەزیری دەرەوەی سعوودیە، فەیسەڵ بن فەرحان، تاوتوێی دانوستانەکانی نێوان سعوودیە و ئێرانی کرد.
بەپێی ئەو راگەیەندراوەی کە لە وەزارەتی دەرەوەی عێراق بڵاوکراوەتەوە، فوئاد حوسێن و بن فەرحان لە میانی پەیوەندییەکەدا ھۆکارەکانی دواکەوتنی ئەنجامدانی گەڕی پێنجەمی دانوستانەکانی تاران-ریازیان تاوتوێ کردووە و بیروڕایان لەسەر ئەم پرسە گۆڕیوەتەوە.
لە راگەیەندراوەکەدا، ئاماژە بەوە کراوە کە فوئاد حوسێن لە میانی پەیوەندییە تەلەفۆنییەکەدا جەختی لەوە کردووەتەوە کە عێراق ھەموو ھەوڵەکانی دەخاتە گەڕ و سەرجەم پەیوەندییەکانی بۆ درووستکردنی دەرفەتێکی گونجاو بۆ لێکتێگەیشتنی نێوان تاران و ریاز بەکاردەھێنێت.
دانوستانەکانی نێوان ریاز و تاران مەبەستی کۆتایی ھێنان بەو گرژییانەی کە ماوەی شەش ساڵە لە نێو ھەردوو وڵاتدا بەردەوامە بەڕێوەدچێت.
عێراق، مێواندارێتی چوار گەڕی دانوستانی راستەوخۆی نێوان بەرپرسانی سعوودیە و ئێرانی کردووە و دوا کۆبوونەوەش لە مانگی ئەیلوولی رابردوو بەڕێوەچوو.
شەڕی یەمەن و بەرنامەی ئەتۆمیی ئێران خاڵە ناکۆکییە سەرەکییەکانی نێوان ئەو دوو وڵاتەیە.
وەزیری دەرەوەی عێراق پەیوەندییەکی تەلەفۆنی لەگەڵ ھاوتا سعوودیەکەی ئەنجامدا
100%
کۆمێنت (0)
تا ئێستا هیچ کۆمێنتێک نەکراوە.