پۆلیسی نەوت و گازی ههرێمی كوردستان له ڕاگهیهنراوێكدا ئاشكرای كرد كه شهوی ڕابردوو هێزەکانیان توانیویانه گرووپێکی دزی نەوت لە سنووری پارێزگای هەولێر دەستگیر بکەن.
بهڕێوهبهرایهتییهكه ئاشكراشی كرد كه تاوانبارهكان 3 كهسن و یەکێکیان هەڵگری ناسنامەی بەڕێوەبەرایەتی گشتیی دژەتیرۆری سلێمانییە.
دهقی راگهیهنراوهكه:
دوێنێ شەو (8 لەسەر 9-2-2022) کات (01:30) هێزەکانمان توانیان گرووپێکی دزی نەوت و کونکردنی بۆری نەوتی هەرێمی کوردستان لە سنووری پارێزگای هەولێر له ناحییەی قوشتەپە له گوندی دۆڵەزە دەستگیر بکەن.
تاوانباران راستەوخۆ لە کاتی ئەنجامدانی تاوانەکە دەستگیر کران کە پێک هاتبوون لە 3 کەسی بە ڕەگەز کورد و دەست بەسەر ئۆتۆمبێلێکی تانکەر جۆری ئیسکانیا هەڵگری تابلۆی (عێراق/سلێمانی) گیرا، کە بۆری نەوتی هەرێمی کوردستانیان کون کردبوو و لكاندبوویان به سۆندەیەکەوە، پاشان بە تانکەر نەوتەکەیان بار کردبوو.
یەکێک لە تاوانباران هەڵگری ناسنامەی بەڕێوەبەرایەتی گشتیی دژەتیرۆری سلێمانییە، پەڕاوی لێکۆڵینەوەیان بۆ رێکخرا و ڕادەستی دادگای تایبەتمەند کران.
هاووڵاتییانی هەرێمی کوردستان دڵنیا دەکەینەوە کە هێزەکانمان هەمیشە لە ئامادەباشیدان بۆ رێگریکردن لە دزینی سەرچاوەی داهات و سامانی ئابووری هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.