ئهڤرۆ سپێدێ رۆژا پێچ شهمبى 10 - 3- 2022ل كوچكا مێهڤانداریا بهرێز د.عهلى تهتهر پارێزگارێ دهۆكێ پێشوازیا بهرێز (د. احمد زویتن ) رێڤهبهرێ رێكخراوا ساخلهمیا جیهانى (WHO) ل عیراقێ وشاندێ دگهلدا كر.
دههڤدیتنهكێدا ب ئامادهبونا (د.ئهفراسیاب موسى ) رێڤهبهرێ گشتى یێ ساخلهمیێ ل پارێزگههێ بهحسێ رهوشا دام ودهزگههێن ساخلهمیێ ل پارێزگههێ وئهو خزمهتگوزاریێن پێشكێشى خوجهێن پارێزگههێ وئاواره وپهنابهران وكێم وكاسى وپێدڤیێن تهندورستى ل پارێزگههێ هاته كرن.
پارێزگارێ دهۆكێ سوپاسیا رێكخراوا ساخلهمیا جیهانى (WHO) كر ل دور ئهو هاریكاریێن پێشكێشكرین نهخاسمه ل تهنگاڤیا ورولێ وان باش ههلسهنگاند وخواست رێكخراوا ناڤبرى بهردهوامیێ بدهته بهرنامێن خو ل پارێزگههێ چونكو هێشتا ژمارهكا زور یا ئاواره وپهنابهران وخوجهێن دهڤهرێ پێدڤى ب هاریكاریێن تهندورستیا جیهانى ههیه.
رێڤهبهرێ رێكخراوا ساخلهمیا جیهانى (WHO) ل عیراقێ پهسنا رولێ خهلكێ دهڤهرێ وكارگێریا پارێزگههێ كر بو پێشوازیكرنا ئاواره وپهنابهران ههروهسا دهستخوشى ل دهزگههێن ساخلهمیێ ل پارێزگههێ كر بو بجهئینانا بهرنامه ورێنمایێن ساخلهمیا جیهانى ل ههمبهر بهرهنگاربونا نهخوشیا كورونایێ وتهكهزكر كو دهزگههێن ساخلهمیێ ل پارێزگهها دهۆكێ سهربورهكا نمونهیى دڤى بیاڤى دا ل سهر ئاستێ ههموو عیراقێ توماركریه ، وپشتهڤانیا (WHO) بو پێشئێخستنا دهزگههێن تهندورستى ل پارێزگههێ نیشاندا.
رێڤهبهرێ رێكخراوا ساخلهمیا جیهانى پهسنا رولێ دهزگههێن تهندورستى ل پارێزگههێ دكهت
100%
کۆمێنت (0)
تا ئێستا هیچ کۆمێنتێک نەکراوە.