بەڕێوەبەرایەتی بەرگری شارستانی سۆران ڕایگەیاند: ئەمرۆ هەینی ئاگادار کراینەوە لە ڕووداوێکی ئاگرکەوتنەوە لە گۆڕەپانی وەستانی ئۆتۆمبێلە بارهەڵگرەکانی دەروازەی نێودەوڵەتی حاجی ئۆمەران، ڕاستەوخۆ تیمی بنکەی بەرگری شارستانی و بنکەی بەرگری شارستانی چۆمان گەیشتنە شوێنی رووداوەکە و توانرا ئاگرەکە کۆنترۆڵ بکرێت.
ڕاشیگەیاند: رووداوەکە هیچ زیانێکی گیانی نەبوو، بەڵام زیانێکی زۆر بەر ئەو چێشتخانە و دووکانانەی لە شوێنەکە هەبووە کەوتووە، لەگەڵ سووتانی بەڵگە سەرەتاییەکان کە ئەرشیفکراون کە تایبەت بووە بە کاروباری بارهەڵگرەکان، هەروەها هۆكارى ئاگرکەوتنەوەکە بەهۆى سۆپاى نەوتەوه بووه و توانرا دوو ئۆتۆمبێلی جۆری بارهەڵگر و دوو ژووری کۆگە و شوێنی دانیشتن لە سووتان رزگار بکرێت.
وەک لە ڕاگەیەندراوەکەی بەرگری شارستانی سۆراندا هاتووە کە ئەم شوێنەی سووتاوە لە کەلوپەلی سەندویچ پەنەڵ دروستکراوە، ئەم جۆرە کەلوپەلەش توانای گڕگرتنی زۆر خێرایە هەر بۆیە زیانەکان بەم قەبارەیە بووە.
کۆمێنت (0)
تا ئێستا هیچ کۆمێنتێک نەکراوە.