پەرلەمانی عێراق كۆده‌بێته‌وه‌ و سه‌رۆككۆمار هه‌ڵده‌بژێردرێت

 بڕیاره‌ كاتژمێر11 ى پێش نیوه‌ڕۆی ئه‌مڕۆ شەممە 26 ى 3 ى 2022، په‌رله‌مانی عێراق كۆببێته‌وه‌  و بەپێی کارنامەکەش  دەنگدان بۆ هەڵبژاردنى سەرۆک کۆمار ده‌كرێت.
 په‌رله‌مانی عێراق، بەرنامەی کاری دانیشتنی ئه‌مڕۆ شەممەی بڵاوکردەوە و رایگەیاند کە دانیشتنەکە تەنھا ھەڵبژاردنی سەرکۆمار لەخۆدەگرێت.
 راشگه‌یاندراوه‌،  کە دانیشتنی ئه‌مڕۆ ، کاتژمێر (11) دەست پێ دەکات.
40 کەس خۆیان بۆ پۆستی سەرکۆماری عێراق کاندیدکردوە لەنێویاندا کاندیدی ھاوپەیمانی رزگارکردنی نیشتمان، رێبەر ئەحمەد  پشتیوانی هاوپه‌یمانیه‌كه‌ی به‌ده‌ست هێناوه‌ .
 له‌كۆبوونه‌وه‌كه‌ی ئه‌مڕۆی په‌رله‌مانی عێراقدا، فراكسیۆنی هاوپه‌یمانی رزگاری،  فراكسیۆنی له‌پێناو خه‌ڵكدا و ژماره‌یه‌ك په‌رله‌مانتاری دیكه‌ له‌ فراكسیۆنه‌كان به‌شداری دانیشتنه‌كه‌ن ده‌كه‌ن، بۆ ئەوەی رێژەی یاسایی کۆبوونەوەش تەواو بێت، پێویستە لە کۆی 329 پەرلەمانتار، 220 پەرلەمانتار لە هۆڵی کۆبوونەوە ئامادەبن.