لە هەولێر منداڵێکی تەمەن 3 بۆ 4 ساڵ ماوەی 20 لەلایەن کەسوکارەکەی جێهێڵراوە، تاوەکو ئێستا هیچ کەسێک بەدواداچوونی بۆ نەکردووە.
بەڕێوەبەرایەتی بەرەنگاربوونەوەی دژی ئافرەتان و خێزانی هەولێر ئەمڕۆ یەکشەممە ڕایگەیاند: رێکەوتی 07/03/2022 بەڕێوەبەرایەتییەکەمان لەلایەن هەواڵدەرێکەوە ئاگادار کرایەوە کە منداڵێک لەلای نەخۆشخانەی مەلافەندی لە گەڕەکی باداوەی شاری هەولێر جێهێڵراوە و کەسوکاری دیار نییە، دوای بەدواداچوون و لێکۆڵینەوە دەرکەوت کە منداڵەکە لە هەمان شوێن جێهێڵراوە و تەمەنی لە نێوان (3 بۆ 4) ساڵە و بە گوتەی خۆی ناوی ( هەناسە رێباز)ە.
ڕاشیگەیاند: کەیسەکەی لەژێر لێکۆڵینەوەیە لە نووسینگەی قەڵای سەر بە بەڕێوەبەرایەتیمان و ماوەی بیست رۆژە (هەناسە رێباز) لە خانەی نەوجەوانانی هەولێرە و کەسوکاری دیار نییە، هیچ کەسێکیش بەدواداچوونی نەکردووە.
بەڕێوەبەرایەتییەکە داوا دەکات هەرکەسێک زانیاری دەربارەی ناونیشانی کەسوکاری ( هەناسە) هەیە پەیوەندییان پێوە بکات لە رێگەی هێڵی گەرمی ژمارە ( 119)ی بەڕێوەبەرایەتییەکەیان یاخود لە رێگەی پەیجەکەیانەوە، بۆ ئەوەی بتوانرێ بە کەسوکاری شاد بکەرێتەوە یاخود چارەسەرێکی یاسایی بۆ کێشەکەی بکرێت.
کۆمێنت (0)
تا ئێستا هیچ کۆمێنتێک نەکراوە.