کەمێک پێش ئێستا لەلایەن میلیشیای سەربازییەوە ھێرشکرایە سەر لقی پێنجی پارتی و سوتێنرا.
سەرچاوەیەک لە لقی پێنجی پارتی دیموکراتی کوردستان لە بە غدا بە (کوردستان تیڤی) ڕاگەیاند: کاتژمێر 01:00ی درەنگانی ئەمشەو لەلایەن میلیشیای سەربازییەوە ھێرشکرایە سەر لقی 5ـی پارتی لە بەغدا و سوتێنرا.
ئەمەش دوای ئەوەی کەسێک بەناوی نایف کوردستانی تویتێکی دژی مەرجەعیەت کردبوو، ئەمەش کاردانەوەی بەدوای خۆیدا ھێنا.
تویتەکەی نایف کوردستانی لەلایەن پارتی دیموکراتی کوردستان ڕەتکرایەوە و ڕایانگەیاند: ئاشکرایە کە پارتی باوەڕی بە پێکەوەژیانی ئاشتیانە و ڕێزگرتن لە ھەموو ئایین و ئایینزاکان ھەیە، تویتەکەی ئەم کەسەش گوزارشت لە ڕای کەسی خۆی دەکات.
ھاوکات بە بڕیاری وەزیری ناوخۆی ھەرێمی کوردستان بڕیاری دەستگیرکردن بۆ نایف کوردستانی دەرکرا و ھەر ئەمشەو دەستگیر کرا.
کۆمێنت (0)
تا ئێستا هیچ کۆمێنتێک نەکراوە.