بە بڕیاری وەزیری ناوخۆی ھەرێم نایف کوردستانی دەستگیر كرا

کەمێک پێش ئێستا بە بڕیاری وەزیری ناوخۆی ھەرێمی کوردستان ئەو کەسەی کە تویتێکی دژی مەرجەعیەت کردبوو دەستگیر کرا.
وەزارەتی ناوخۆی حکوومەتی ھەرێمی کوردستان ڕایگەیاند: دوای ئەوەی کەسێک بەناوی نایف کوردستانی، تویتێکی  دژی مەرجەعیەت بڵاوکردبووەوە،  ھێزە ئەمنییەکانی  کوردستان بە بڕیاری ڕاستەوخۆی وەزیری ناوخۆی ھەرێم دەستگیریان کرد.

ڕاشیگەیاند: ناوبرا ڕادەستی دەسەڵاتی دادوەری کرا بۆ بەمەبەستی گرتنەبەری ڕێوشوێنی پێویست دژی تۆمەتبار.

وەزارەتی ناوخۆ لە ڕاگەیەنراوەکەدا جەختی کردۆتەوە کە ئازادیی رادەربڕین بەو مانایە نایەت کە سووکایەتی به ھێما ئایینی و نیشتمانییەكان بکرێت، بە تایبەتیش مەرجەعیەت كە ناكرێت بەرامبەری بێدەنگ بین.
وەزارەتی ناوخۆ ئاماژەی بەوەش داوە كە ئەو كەسە جگە لە خۆی نوێنەرایەتیی كەس ناكات و هەڵوێستی حكوومەتی هەرێمی كوردستان و گەلی كوردستان ڕوون و ڕاشكاوانەیە لە ڕێزگرتن لە ڕۆڵی مەرجەعیەت لە عێراق و جیهانی ئیسلامی.