له‌ هه‌ولێر ده‌ست به‌ تۆمار و دابه‌شكردنی كارتی ده‌نگدان كراوه‌ته‌وه‌

كۆمیسیۆنی باڵای سه‌ربه‌خۆی هه‌ڵبژاردنه‌كان  - ئۆفیسی هه‌ولێر ئاشكرای كرد كه‌ ده‌ستیان به‌ تۆماری ده‌نگدان و دابه‌شكردنی كارتی ده‌نگدان كردۆته‌وه‌.

ئۆفیسی هه‌ولێری هه‌ڵبژاردنه‌كان له‌ ڕاگه‌یه‌نراوێكدا ئاشكرای كرد: ده‌ستمان به‌ نوێكردنەوەى كردارى تۆمارى بایۆمه‌ترى و دابه‌شكردنی كارتی درێژخایەنی دەنگدەران كردۆته‌وه‌ له ڕێكه‌وتی 20/3/2022.

ئاماژه‌ی به‌وه‌ش دا كه‌ ئێستا كاره‌كانیان بەم شێوەی خوارەوه‌یه‌:-

1- تۆماری بایۆمه‌تری.

2- ڕاستكردنەوەی زانیاریی دەنگدەران.

3- لابردنی زانیاریی پەیوەست به دەنگدەره كۆچكردووەكان (مردووەكان) وەرگرتنەوەی كارتەكانیان.

4- كرداری زیادكردنی دەنگدەرى نۆیی تۆمارنەكراوەكان تاكو له دایكبووی 2004.

5- كرداری گواستنەوه ئەنجام نادرێت تاكو رێنمایی نوێ دێت.

6- كردارى بایۆمترى ئەنجام نادرێت بۆ ڕاگوێزراوان (النازحین).

7- بەردەوامبوون له تۆماری بایۆمه‌ترى بۆ دەنگدەرانی تایبەت.

8- بەردەوامبوون له دابەشكردنی كارتی درێژخایەن له‌بەرامبەر وەرگرتنی كارتی دەنگدانی كورتخایەن یان له ڕێى وەرگرتنەوەى پسوولەى كارتی دەنگدان، ئەگەرنا كرداری ونبوونی كارتی دەنگدانی بۆ ئەنجام دەدرێت.