بەبۆنەی ڕەمەزان کاتی دەوام لە پارێزگای هەولێر کەم کرایەوە

پارێزگاری هەولێر ئەمڕۆ شەممە لە ڕاگەیەنراوێکدا بڕیاری دا بە کەمکردنەوەی کاتی دەوامی فەرمانبەران بۆ ماوەی یەک کاتژمێر دەوام کەم کرایەوە.

لە ڕاگەیەنراوێکدا ئومێد خۆشناو پارێزگاری هەولێر ڕایگەیاند: بەبۆنەی هاتنی مانگی پیرۆزی  ڕەمەزان، بڕیاردرا بە کەمکردنەوەی دەوامی فەرمی دیوانی پارێزگا و سەرجەم قایمقامیەت و ناحییەکان و بەڕێوەبەرایەتی و بەڕێوەبەرایەتییە گشتیەکانی سنووری پارێزگای هەولێر.

لە راگەیەنراوەکەدا ڕوونکراوەتەوە کە بڕیارەکان بەمشێوەیەن:-

1- که‌مکردنه‌وه‌ی یه‌ک کاتژمێری ده‌وام، واته‌کاتژمێر 9ـی بەیانی دەوامی فەرمی دەست پێدەکات.

2- ئەم بڕیارە کەرتی پەروەردە و تەندروستی و خوێندنی باڵا و سنووری ئیدارەی سۆران ناگرێتەوە.