بهڕێوهبهری شارهدێی زێلكان ئاشكرای كرد كه ئهمشهو یهكشهم و كهمێك پێش ئێستا به 7 مووشهك هێرشكرایه سهر سهربازگهی گوداد له شارۆچكهی شێخان.
محهمهد ئهمین گۆران بهڕێوهبهری شارهدێی زێلكان تایبهت بۆ (كوردستان تیڤی) ڕایگهیاند: كهمێك پێش ئێستا سهربازگهی گوداد 7 مووشهكی ئاراسته كرا، لهوانه 6 مووشهك له نزیك سهربازگهكه كهوتوونهته خوارهوه و یهكێكیشیان له نزیك گوندی بهرازی تهقیوهتهوه.
ئاشكراشی كرد: تا ئێستا هیچ زانیارییهكی زیانی گیانی و ماددی پشتڕاستنهكراوهتهوه و ئاڵۆزییهكانیش لهو ناوچهیه بهردهوامه.
بهڕێوهبهری شارهدێی زێلكان جهختیشی كردهوه كه بهگوێرهی زانیارییه سهرهتاییهكان مووشهكهكان لهلای باشووری سهربازگهی گوداد لهو ناوچانهی كه حهشدی شهعبی لێیه ئاراستهكراون.
سهربازگهی گوداد دهكهوێته سنووری شارۆچكهی شێخان و هێزهكانی سوپای توركیای لێ نیشتهجێیه و له ساڵی 2015 لهو ناوچهیه دروستكراوه.
کۆمێنت (0)
تا ئێستا هیچ کۆمێنتێک نەکراوە.