له مانگی ڕه‌مه‌زانی پیرۆزدا چه‌ند جۆرێك خۆراك هه‌یه كه نابێت ڕۆژووگر له پارشێواندا بیانخوات، چونكه مرۆڤ توێنوو ده‌كات و به درێژایی ڕۆژه‌كه‌ی ڕه‌مه‌زان به‌هیلاكی ده‌بات.
ماڵپه‌ڕی (فوود) ناوی ئه‌و خۆراكانه‌ی دیاری كردووه كه نابێت ڕۆژووگر له كاتی پارشێودا بیانخوات كه ئه‌وانیش برێتین له:-
خۆراكه سوێره‌كان
وه‌ك تورشیات و په‌نیری سوێر یان هه‌ر خۆراكێك كه خوێی زۆری تێدا بێت، چونكه ده‌بێته هۆی سوتاندنه‌وه‌ی گه‌ده و هه‌ستكردنی زۆر به توێنێتی.
شیرنه‌مه‌نییه‌كان
شیرنه‌مه‌نییه‌كان به‌گشتی وه‌ك پاقلاوه و كێك و چای شیرین هه‌ڵه‌یه له كاتی پارشێودا بخورێن، چونكه ده‌بنه هۆكاری دروستبوونی هه‌وكردنی گه‌ده و وا ده‌كات ڕۆژووگر له كاتی ڕۆژدا هه‌رده‌م هه‌ست به توێنێتی بكه‌یت.
كافایین
نابێت ڕۆژووگر له كاتی پارشێودا ئه‌و خواردنه‌وانه بخوات كه كافایینیان تێدایه، چونكه هه‌ستكردن به توێنێتی زیاد ده‌كات و هه‌میشه ده‌م به وشكی ده‌هێڵێته‌وه.
خۆراكه سووركراوه‌كان
له كاتی پارشێودا هه‌رگیز خۆراكه سووركراوه‌كان مه‌خۆ، چونكه ڕێژه‌ی چه‌ورییان زۆره و ده‌بێته هۆی دروستبوونی هه‌وكردنی گه‌ده و زیادبوونی ترشه‌لۆكه‌كانی گه‌ده، ئه‌مه‌ش ده‌بێته هۆی ئه‌وه‌ی ته‌واوی ڕۆژ هه‌ست به توێنێتی بكه‌یت.
له كۆتاییدا ئامۆژگاری ڕۆژووگران كرا له كاتی پارشێودا هه‌میشه ئه‌و سه‌وزه و میوانه بخۆن كه له‌ش بۆ ماوه‌یه‌كی زۆر به شێداری ده‌هێڵێته‌وه وه‌ك ماست و خه‌یار و ته‌ماته و مۆز و زۆرێك له‌و میوانه‌ی كه ڕێژه‌یه‌كی زۆری ئاویان تێیدایه.
کۆمێنت (0)
تا ئێستا هیچ کۆمێنتێک نەکراوە.