ئەمڕۆ دووشەممە سوپای عێراق هێزێکی سەربازی بەرەو شنگال جووڵەپێکرد و بە مەبەستی بەهێزکردنی خاڵە سەربازییەکانی لەو ناوچەیەدا.
سەرچاوەیەکی ئەمنی بە شەفەق نیوزی ڕاگەیاندووە: هێزە سەربازییەکانیان گەیشتوونەتە فیرقەی 20ی پیادەی سوپای عێراق لە ناوچەی شەنگال لە ڕۆژئاوای موسڵ.
سەرچاوەکە ڕاشیگەیاندووە کە ئەو هێزە سەربازییە بە بڕێکی زۆر لە چەک و تەقەمەنی قورسەوە بەرەو شنگال ئاراستەکراون.
ئەمەش لەدوای ئەوە دێت کە ڕۆژانی 18 و 19ی ئەم مانگە، شەڕ و پێکدادان لەنێوان هێزەکانی عێراق و یەپەشەی نزیک لە چەکدارانی پەکەکە ڕوویدا کە بەهۆیەوە چەندین کەس لەهەردوو لاوە برینداربوون.
شەوی ڕابردوو فەوجی 66ی سەر بە فرقەی 20 نێردرایە باشووری چیای شنگال و لە ناحییەی گرعوزێر جێگیر کرا.
هاوکات ئەمڕۆش هێزێکی لیوای 37 سەر بە فرقەی 9ی سوپای عێراق بە چەکی قورسەوە جووڵەیان پێکراوە و نازانرێ لە کام ناوچە نیشتەجێ دەبن.
کۆمێنت (0)
تا ئێستا هیچ کۆمێنتێک نەکراوە.