لە كەركووك بەهۆی خۆڵبارینی چڕەوە 50 كەس مەترسی خنكانیان لەسەر دروست بوو

شەوی رابردوو ئەو شەپۆلی خۆڵبارینەی كە پارێزگاكانی رۆژئاوا و باشووری عێراقی گرتەوە و دواتر گەیشتە كەركووك، مەترسی خنكانی لەسەر دەیان كەس لە پارێزگای كەركووك دروست كرد.
بەڕێوەبەرایەتی گشتیی تەندروستیی كەركووك رایگەیاند بەهۆی خۆڵبارینی چڕەوە، دەیان كەس تووشی هەناسەسواری بوون و مەترسی خنكانیان لەسەر دروست بووە.
لە راگەیەندراوەكەدا تیشك خراوەتە سەر ئەوەی كە 50 كەس لە ناو شاری كەركووك و دەوروبەری، مەترسی خنكانیان لەسەر دروست بووە. ئاماژە بەوەیش دراوە ژمارەیەكی زۆریان رەوانەی نەخۆشخانە كراون، دوای وەرگرتنی چارەسەری پزیشكیش رەوانەی ماڵەوە كراونەتەوە.