کۆچ و کۆچبەرانی دهۆک ڕایگەیاند، تاوەکوو ئێستا بەهۆی شەڕی نێوان سوپای عێراق و پەکەکەوە لە قەزای شنگال زیاتر لە 200 خێزان ئاوارەبوون.
پیر دەیان بەڕێوەبەری کۆچ و کۆچبەران و ڕووبەڕووبوونەوەی قەیرانەکان لە پارێزگای دهۆک بە کوردستان تیڤی ڕاگەیاند: ئێستا شەڕ لەنێوان سوپای عێراق و چەکدارانی پەکەکە لە زۆنەکانی خانەسوور، سنوونێ و دووگورێ بەردەوامە.
ڕاشیگەیاند: بەهۆی ئەم شەڕەوە زیاتر لە 200 خێزان لە قەزای شنگالەوە ئاوارەی پارێزگای دهۆک بوون.
بەڕێوەبەری کۆچ و کۆچبەران ئاماژەی بەوەش دا کە 50 خێزانی ئاوارە گەیشتنە سحێلا.
دوای ئەوەی لە ناوچەکانی سنوونێ چەکدارانی پەکەکە ڕەتیان کردەوە لە چەند بازگەیەک بکشێنەوە، گرژی لەنێوان سوپای عێراق و چەکدارانی پەکەکە دروستبوو، تاوەکوو ئێستاش شەڕ و پێکدادان بەردەوامە.
کۆمێنت (0)
تا ئێستا هیچ کۆمێنتێک نەکراوە.