نەتەوە یەکگرتووەکان لەبارەی شەڕ و پێکدادانەکانی سوپای عێراق و چەکدارانی پەکەکە و دۆخی شنگال جەخت دەکاتەوە کە تێکدەرانی ناوخۆیی و دەرەکی لە شنگال جێیان نابێتەوە.
نوێنەرایەتی نەتەوە یەکگرتووەکان لە عێراق (UNAMI)پەیامێکی لەبارەی دۆخی شنگال و ئاڵۆزییەکانی نێوان چەکدارانی پەکەکە و سوپای عێراق بڵاوکردۆتەوە و تێیدا هاتووە "زۆر نیگەرانین لە هەمبەر پێکدادانەکانی شنگال و لێکەوتە خراپەکانی بۆ سەر هاووڵاتییانی سڤیل."
ئاماژەی بەوەش داوە کە "پێویستە ئاسایش و سەقامگیری شنگال لەسەرووی هەموو شتێک بێت. ئەوان لە ڕابردوودا ئازاری زۆریان چەشتووە و شایستەی ئاشتین لە سایەی دەسەڵاتی دەوڵەتدا."
(UNAMI) لە پەیامەکەیدا جەختیشی کردۆتەوە کە تێکدەرانی ناوخۆیی و دەرەکی لە شنگال جێیان نابێتەوە.
دوای ئەوەی لە ناوچەکانی سنوونێ چەکدارانی پەکەکە ڕەتیان کردەوە لە چەند بازگەیەک بکشێنەوە، گرژی لەنێوان سوپای عێراق و چەکدارانی پەکەکە دروستبوو، تاوەکوو ئێستاش شەڕ و پێکدادان بەردەوامە.
بەهۆی ئەم شەڕەی نێوان سوپای عێراق و چەکدارانی پەکەکە لە قەزای شنگال زیاتر لە 200 خێزان ئاوارەبوون.
کۆمێنت (0)
تا ئێستا هیچ کۆمێنتێک نەکراوە.