شارەوانیی دهۆك پرۆژەیەكی قیڕتاوكردن جێبەجێ دەكات

لەپێناو زیاتر خزمەتكردنی هاووڵاتییانی شاری دهۆك، لەسەر داهاتی شارەوانی پرۆژەیەكی خزمەتگوزاریی قیڕتاوكردن لە شاری دهۆك جێبەجێ كرا، وێڕای ئەم پرۆژەیە چەندین كاری دیكەی خزمەتگوزاری لە قۆناغی جێبەجێكردندان.
پرۆژەكە لە شەقامی شاخكێ و لەسەر داهاتی شارەوانی و لەلایەن تیمەكانی شارەوانیی دهۆكەوە جێبەجێ دەكرێت، تاوەكوو ئێستا بە ڕێژەی زیاتر لە 70%ی كارەكانی تەواو كراوە و سبەی دوا قۆناغی كارەكان تەواو دەبێت.
ئەم پرۆژەیە كاریگەری لەسەر بەرزكردنەوەی ئاستی خزمەتگوزاری لەو سنوورە دەبێت و هاوكات دەبێتە هۆی كارئاسانیش بۆ هاتوچۆی هاووڵاتییان و شۆفێران، ئەمە جگە لەوەی سیمایەكی جوان بە سنوورەكە دەبەخشێت.