بوومەلەرزەیەكی بەهێز توركیای هەژاند

سەرۆكایەتی ئیدارەدانی كارەسات و باری لەناكاو (AFAD) رایگەیاند كە كاتژمێر 04:08، بوومەلەرزەیەك بەگوڕی 5،9 پلە، قەزای گۆلیاكا سەربە پارێزگای دوزجەی هەژاند.
هەروەها سەرۆكایەتی ئیدارەدانی كارەسات و باری لەناكاو دەڵێت: لە دوای بوومەلەرزەكەی گۆلیاكا، 18 پاشەلەرزە روویان داوە، بۆ كۆنترۆڵكردنی رەوشەكەش كارەبای ناوچەكە بڕدراوە.
لەلایەن خۆیەوە وەزیری تەندروستیی توركیا رایگەیاند: تا ئێستا لە دوزجە 22 بریندارمان هەیە، دۆخی یەكێكیان كە لەبەرزییەوە خۆی هەڵداوە، سەختە. 
هەروەها جەودەت ئاتای، پارێزگاری دوزجە، رایگەیاند: بەهۆی بوومەلەرزەكەی گۆلیاكاوە بۆ ماوەی یەك رۆژ پشوویان لە قوتابخانەكان راگەیاندووە.