دابەشكردنی نەوتی سپی لە دەوروبەری شارەكان دەستیپێكرد

دابەشكردنی نەوتی سپی لە ناوچە شاخاوییەكان كۆتاییهات و، هەنگاوی دووەمی دابەشكردنی نەوتی سپی لە ناوچەكانی دەوروبەر دەستیپێكرد.
وەزارەتی سامانە سرووشتییەكانی حكومەتی هەرێمی كوردستان رایگەیاند: دابەشكردنی نەوتی سپی لە ناوچە شاخاوییەكان كۆتاییهات و زیاتر لە 64 ملیۆن لیتر نەوتی سپی بەسەر 321 هەزار و 138خێزان دابەشكرا.
هەروەها دەڵێت:دوای بە كۆتاییهاتنی ناوچە شاخاوییەكان، هەنگاوی دووەمی دابەشكردنی نەوتی سپی لە ناوچەكانی دەوروبەر دەستیپێكرد و تا ئێستا نزیكەی 2 ملیۆن لیتر بەسەر زیاتر لە 8 هەزار و 500 خێزاندا دابەشكراوە و پرۆسەكەش بەردەوامە.