بەهۆی پابەند نەبون بە مەرج و رێنماییەکانی کارکردن، لیژنەی هاوبەشی تەندروستی دو نۆرینگە و دەرمانخانەیەک دادەخات.
ئاریان عومەر، سەرۆکی لیژنەی هاوبەشی تەندروستی رایگەیاند؛ بەهۆی پابەندنەبونیان بەمەرج و رێنماییەکانی وەزارەتی تەندروستی لە شوێنەکانان، هەردو نۆرینگەی خەبات لە گەرەکی خەبات، نۆرینگەی راپەرین لە گەرەکی راپەرین و دەرمانخانەی رۆیاڵ لە گەرەکی زەرگەتەی شاری سلێمانی دادەخرێت.
وتی؛ بەپێی رێنماییەکانی وەزارەتی تەندروستی، مۆڵەتی نۆرینگە توانای فرۆشتنی دەرمانی سنوردارە و ناتوانێت هەمووجۆرە دەرمانێک بفرۆشێت، بەتایبەت دەرمانی نەخۆشییە درێژخایەن و دەرونییەکان.
وتیشی؛ نۆرینگەی خەبات مۆڵەتی کارکردنی نەبووە و دەرمانی نەخۆشییەکانی درێژخایەنیشی فرۆشتووە.
هەروەک وتیشی؛ بەهەمان شێوە لە نۆرینگەی راپەرین دەرمانی نەخۆشییە درێژخایەن و دەرونیەکان دەستی بەسەردا گیراوە و بەهاوڵاتیان فرۆشراوە.
سەرۆکی لیژنەکە راشیگەیاند؛ بەهۆی هەبونی زیاتر لە هەشتا پارچە دەرمانی ماوەبەسەرچوو دەرمانخانەی رۆیاڵ دادەخرێت.
سەرۆکی لیژنەی هاوبەشی تەندروستی ئاماژەی بۆئەوەکرد، بەفەرمانی قائیمقامی سلێمانی هەردو نۆرینگەکە و دەرمانخانەکە دادەخرێن و خاوەنەکانیان روبەروی یاسا دەرکێنەوە.
شوان عهزیز
کۆمێنت (0)
تا ئێستا هیچ کۆمێنتێک نەکراوە.