چۆنیه‌تی دروستکردنی ( ترخێنه‌ ) و لێنانى

ترخێنه‌ له‌ ته‌ره‌ساس دروست ده‌كرێت، به‌ جۆرێك ته‌ ره‌ساس له‌ شیوه‌ی شفته‌دا له‌ قاڵب ده‌درێت و له‌ به‌رخۆردا وشك ده‌كرێته‌وه‌ تا به‌ ته‌واوی وشك ده‌بیته‌وه‌ و نابێت شێی تێدا مابێت بۆ ئه‌وه‌ی خراپ نه‌ بێت، وه‌ پێویسته‌ له‌ شوێنی وشكدا هه‌ڵبگیرێت، دواتر هه‌ركات حه‌زمان لێبوو ده‌توانین بیكه‌ین به‌ شله‌(ترخێنه‌)، به‌م شێوه‌یه‌ی خواره‌وه‌.

پێداویستیه‌كان:

1-ترخێنه‌ یه‌ك كیلۆ.(ده‌توانیت له‌جیاتی ترخێنه‌ ته‌ره‌ساس به‌كاربهێنیت بۆ شله‌ فه‌رقیان نییه‌).

2-یه‌ك لیتر و نیو ئاو.

3-ئێسقانی حه‌یوان (بۆ تام و بۆن خۆشكردنی زیاتر).

3-سێ كه‌وچكی چێشت دۆشاوی ته‌ماته‌.

4- دوو سه‌لك چه‌وه‌نده‌ر به‌ جنراوی.

5-چوار گێزه‌ری زه‌رد به‌ جنراوی.

6-خوێ (به‌ پێی پێویست).

7-مشتێك ماشی سوور.

8-مشتێك نۆك.

9-مشتێ نیسكی ساغ –نه‌هاڕاو-.

10-چه‌ند پارچه‌یه‌ك كوله‌كه‌ی زه‌رد ئه‌گه‌ر ده‌ستت كه‌وت(بۆ به‌هێزكردنی به‌ها خۆراكیه‌كه‌ی) .

11-مشتێك كشمیش یان مێوژی ڕه‌ش.

١٢-كه‌مێك گوێز و باده‌م.

چۆنیه‌تی لێنانی:

نۆك و ماشه‌كه‌ ده‌كوڵێنین به‌ جیا، ئێسقانی حه‌یوانه‌كه‌ش سورده‌كرێته‌وه‌، دواتر له‌ گه‌ڵ هه‌موو ئه‌و پێداویستیانه‌ی باسمانكردن ده‌خرێنه‌ مه‌نجه‌ڵه‌وه‌ و ده‌خرێنه‌ سه‌ر ئاگر به‌ پێی پێویستی و به‌ سه‌ لیقه‌ی كه‌یبانوو كه‌ به‌ تامكردنوو بۆنكردن بۆی ده‌رده‌كه‌وێت

پێگه‌یشتووه‌ و ئاماده‌یه‌ بۆ خواردن.

سه‌رچاوه‌/ سروشتی لادێ

كوردستان تیڤی / كامران