پاشنیوەڕۆی ئەمڕۆ لەگەڕەکی زەرگەتەی شاری سلێمانی برایەک برا گەورەکەی خۆی بە چەقۆ دەکوژێت.
له راگهیهندراوێكی بەڕێوەبەرایەتی پۆلیسی پارێزگای سلێمانی هاتووه، بەهۆی کێشەی خێزانیەوە شەڕو دەمەقاڵە لەنێوان دوو برادا دروست دەبێ و لە ئەنجامدا برا بچوکەکە برا گەورەکەی خۆی دەکوژێت.
کوژراوەکە ناوی (ف. ل. ا) تەمەنی 28 ساڵەو بکوژەکە ناوی (ف. ل. ا) تەمەنی 20 ساڵە.
دەستبەجێ هێزەکانی پۆلیسی سلێمانی گەشتنە شوێنی ڕووداوەکەو توانرا تۆمەتبارەکە کەبرا بچوکی کوژراوەکەیە دەستگیربکرێت، لە ئێستادا بەفەرمانی بەڕێز دادوەرو بەپێی مادەی 406 لە یاسای سزادانی عێراقی دەستگیرکراوە.
کۆمێنت (0)
تا ئێستا هیچ کۆمێنتێک نەکراوە.