شەوی رابردوو لە یەكێك لە گەڕەكەكانی شاری ھەولێر بوو بە شەڕە تەقە لەنێوان دوو بنەماڵە. بهڕێوهبهری پۆلیسی ھەولێریش ئاشكرای دەكات تەقەكەرەكان دەستگیر كراون.
لیوا عەبدولخاڵق تەڵعەت، بهڕێوهبهری پۆلیسی ههولێر ئهمڕۆ شهممه رایگەیاند: كێشەی شەوی ڕابردوو تەقەكردن لە گەڕەكی ھەولێری نوێ، لەنێوان دوو بنەماڵەدا بوو، لەسەر ئەوەی یەكێك لەوانە پەرتوكێكی لەسەر ھۆزێك دەركردوە و ناوی ئەوانیشی تێنەكردووە، بۆیە ئەوانەی دیكەش ناڕەزایەتییان دەربڕیوە، هەر لەبەر ئەوە شەڕەتەقە ڕوی داوە و ئێمەش ئەو كەسانەمان دەستگیر كردووە.
گوتیشی: لەو شەڕەتەقەیەدا ھیچ كەسێك زیانی بەرنەكەوتووە و ئێمەش رێگە نادەین ھیچ كەسێك ئارامیی شار تێك بدات، چونكە ئەو تەقەكردنە دەبێتە ھۆی بێزاركردنی خەڵكی ھەولێر، ئەمەش لای ئێمە قبووڵكراو نییە.
کۆمێنت (0)
تا ئێستا هیچ کۆمێنتێک نەکراوە.