باران بارین ده‌ست پێده‌کاته‌وه‌

ئه‌مرۆ چوارشه‌ممه‌ 6 ى 2 ى 2019 ، له‌راگه‌یاندراوێكدا به‌ڕێوه‌به‌رایه‌تى گشتى كه‌شناسی و بومه‌له‌رزه‌زانى هه‌رێمی كوردستان باری كه‌ش و هه‌وای ئه‌مرۆ و سبه‌ى راگه‌یاند 

كه‌شناسی هه‌رێم ڕاشیده‌گه‌ێنێت ، سبەى پێنجشه‌ممه‌ 7 ى 2 ى 2019 ،  لە کاتەکانى درەنگدا نزمە پاڵە پەستۆى لاوازى دەریاى سوور کار دەکاتە سەر ناوچەکەمان ، کاریگەرى ئەم نزمە پاڵە پەستۆیە لە ئێوارەى رۆژى پێنج شەم تاکو ئێوارەى رۆژى یەک شەممە بە لاوازى کار دەکاتە سەر کەشى ناوچەکەمان 

راشیده‌گه‌یه‌نن ،  لەم ماوەیەدا نمە بارانى پچڕ پچڕ و مامناوەند لە ناوچە جیاجیاکانى هەرێم دەبارێت وە بەفریش لە ناوچە شاخاویە سنووریەکان دەبارێت بە تایبەتى شەوى شەممە لەسەر یەک شەممە 

كه‌شناسی هه‌رێم ڕاشیده‌گه‌ێنێت ، هەندێ جار لە کاتى باران هەورە تریشقەى لەگەڵ دەبێت و پلەکانى گەرماش روو لە نزم بوونەوە دەکات 

له‌كۆتادا ڕایده‌گه‌یه‌نن ، ئاستى بارانى پێشبینیکراو لە سەنتەرى پارێزگاکان لە نێوان (8-17ملم) دەبێت وە لە ناوچە شاخاویەکان لە نێوان (15-25)ملم دەبێت لە ماوەى کاریگەرى ئەم شەپۆڵە

شوان عه‌زیز