له درێژهی كۆبوونهوه و گفتوگۆكان لهبارهی پێكهێنانی كابینهی نوێی حكومهتی ههرێمی كوردستان، سبهی شهممه 16-2-2019 شاندی مهكتهبی سیاسی پارتی دیموكراتی كوردستان و بزوتنهوهی گۆڕان له شاری سلێمانی بۆ جارێكی دیكه كۆدهبنهوه.
له كۆبوونهوهكهدا شاندی مهكتهبی سیاسی پارتی دیموكراتی كوردستان و بزوتنهوهی گۆڕان دواپێشهات و گۆڕانكارییهكانی تایبهت به پێكهێنانی كابینهی نوێی حكومهتی ههرێمی كوردستان تاوتوێ دهكهن.
دوێنێ پێنجشهممه شاندی مهكتهبی سیاسی پارتی دیموكراتی كوردستان و بزوتنهوهی گۆڕان له پیرمام كۆبوونهوه و دوای كۆبوونهوهكهش وتهبێژی ههردوولا بۆ رۆژنامهنووسان ڕایانگهیاند: كه لێك نزیكبوونهوهیهكی باش لهسهر پرسی پێكهێنانی كابینهی نوێی حكومهتی ههرێمی كوردستان لهنێوان ههردوولا لهئارادایه .
کۆمێنت (0)
تا ئێستا هیچ کۆمێنتێک نەکراوە.