سبه‌ی رێوڕه‌سمێک به‌بۆنه‌ی چله‌ی کۆچی دوایی محه‌مه‌د مه‌لا قادر ساز ده‌کرێت

سبه‌ی رێوڕه‌سمێك به‌بۆنه‌ی چله‌ی كۆچی دوایی محه‌مه‌د مه‌لا قادر له‌ شاری هه‌ولێر به‌رێوه‌ده‌چێت.

بۆ ئه‌م مه‌به‌سته‌ مه‌كته‌بی سیاسی پارتی دیموكراتی كوردستان كاتژمێر 4ـی ئێواره‌ی رۆژی یه‌كشه‌ممه‌ 24-2-2019 له‌ هۆڵی شه‌هید سه‌عد عه‌بدوڵڵا له‌ شاری هه‌ولێر رێوڕه‌سمێك به‌بۆنه‌ی چله‌ی كۆچی دوایی محه‌مه‌د مه‌لا قادر ساز ده‌كات.

رۆژی  15-1-2019، محه‌مه‌د مه‌لا قادر، ئه‌ندامی پێشووی سه‌ركردایه‌تی و مه‌كته‌بی سیاسی پارتی دیموكراتی كوردستان به‌ نه‌خۆشی له‌هه‌ولێركۆچی دوایی كردو هه‌ر له‌و شاره‌شدا به‌خاك سپێردرا.

هه‌رهه‌مان رۆژ سه‌رۆك بارزانی له‌ په‌یامێكی سه‌ره‌خۆشیدا رایگه‌یاند:  له‌ده‌ستدانی مامۆستا مه‌لا محه‌مه‌د خه‌ساره‌تێكی گه‌وره‌یه‌ و به‌و بۆنه‌ خه‌مناكه‌وه‌ سه‌ره‌خۆشی له‌ خۆم و خانه‌واده‌ و كه‌سوكاری خوالێخۆشبوو و جه‌ماوه‌ری پارتی و خه‌ڵكی كوردستان ده‌كه‌م.

له‌خودای مه‌زن داواكارم خوالێخۆشبوو مامۆستا مه‌لا محه‌مه‌د به‌ به‌هه‌شتی به‌رین شاد بكات و سه‌بر و ئارامیش به‌ هه‌موو لایه‌كمان ببه‌خشێت.

بۆ رۆژی دواتریش له‌ هه‌ولێری پایته‌خت سه‌رۆك بارزانی به‌شداری له‌ مه‌راسیمی پرسه‌ی تێكۆشه‌ر و خه‌باتگێڕی گه‌لی كوردستان خوالێخۆشبوو مامۆستا محه‌مه‌د مه‌لا قادر كرد.