ئهمڕۆ ههینی یهكهم كۆڕبهندی ههولێر لەژێر ناونیشانی (رێگاچارەكانی پرسەكانی ئاسایش و سەروەری لە رۆژهەڵاتی ناوەڕاست) بە بەشداریی ژمارەیەک کەسایەتیی سیاسیی کوردستان، عێراق و ناوچەکە، بهڕێوهچوو .
كهریم شنگالی وهزیری ناوخۆ و وهزیری پێشمهرگه به وهكالهتی حكومهتی ههرێمی كوردستان وتاری نێچیرڤان بارزانی سهرۆك وهزیرانی ههرێمی كوردستانی پێشكهش كرد و له وتارهكهدا ڕایگهیاند: سەرۆک وەزیرانی ئێستای عێراق کەسێکی گونجاوە بۆ قۆناغی ئێستا.
نێچیرڤان بارزانی جەختی لە پێویستی بنبڕکردنی بیری تیرۆر کردهوه و رایگەیاند: پێویستە بۆ رێگرتن لە دووبارە و چەند بارەبوونەوەی تیرۆر، سیستەمی پەروەردە لە عێراق پێش بخرێت .
سەرۆکی حکومەتی هەرێمی کوردستان ڕاشیگهیاند: رێکخراوی تیرۆریستی داعش دۆخی هەموو جیهانی تێکدا و ئێستاش لە جموجۆڵە تیرۆریستییەکانی لە عێراق بەردەوامە .
سهرۆك وهزیرانی ههرێمی كوردستان وێرانبوونی تەواوەتی مووسڵیشی بە نموونەیەکی مەترسیی داعش پێناسە کرد .
نێچیرڤان بارزانی ئاماژەی بە پەیوەندییهكانی هەولێر و بەغدا کرد و رایگەیاند: حکومەتەکانی پێشووی عێراق لە 2003 تا 2018 مافەکانی گەلی کوردستانیان پێشێل کردووە و 55 ماددەی دەستووری هەمیشەیی عێراق، کە مافەکانی گەلی کوردستان دەپارێزن، جێبەجێ نەکراون .
کۆمێنت (0)
تا ئێستا هیچ کۆمێنتێک نەکراوە.