له قهزای پشدهر ژنێكی تهمهن 71 ساڵان له ڕووباری نزیك گوندهكهیان خنكا و پۆلیسی ڕاپهڕینیش له بارهی ڕووداوی خنكانی ئهو ئافرهته بهساڵاچووه وه ڕوونكردنهوه دهدات.
ڕاید شۆڕش ئیسماعیل گوتهبێژی پۆلیسی ڕاپهڕین له لێدوانێكیدا بۆ ماڵپهڕی كوردستان تیڤی گوتی: دوای نیوهڕۆی دوێنێ تهرمی ژنێك بهناوی (ئـ . ح . ز) لهدایك بووی ساڵی 1947 كه دانیشتووی گوندی (بارهپانه)ی سهر به ناحیهی ژاراوهیه له قهزای پشدهر به خنكاوی گهیهندرایه نهخۆشخانهی گشتی قهڵادزێ.
گوتهبێژی پۆلیسی ڕاپهڕین گوتیشی: به پێی زانیارییهكان ئافرهتهكه له ڕووباری سنووری گوندهكهیان كهوتۆته ناو ئاو و بهو هۆیهشهوه خنكاوه.
ڕاشیگهیاند: به وتهی كوڕهكانی ئافرهتهكه ماوهی دوو ساڵه باری دهرونی تێكچووه و پاش توێكاری بۆ تهرمهكهی ڕادهستی كهسوكاری كرایهوه.
کۆمێنت (0)
تا ئێستا هیچ کۆمێنتێک نەکراوە.