له‌سه‌ر داواى سه‌رۆک فراکسیۆنی یه‌کێتى بڕگه‌یه‌ک بۆ به‌رنامه‌ى کارى دانیشتنی رۆژی سێشه‌ممه‌ زیادکرا

ده‌سته‌ی سه‌رۆكایه‌تیی په‌رله‌مانی كوردستان، له‌ به‌یاننامه‌یه‌كدا ئه‌ندامانی په‌رله‌مانی كوردستان ئاگادار ده‌كاته‌وه‌ به‌ زیادكردنی بڕگه‌یه‌ك بۆ به‌رنامه‌ی كارى دانیشتنی ژماره‌ دووی ئاسایی رۆژی سێشه‌ممه‌ 12ی 3ی 2019 ، ئه‌مه‌ش ده‌قی به‌یاننامه‌كه‌یه‌: 

بۆ گشت ئه‌ندامه‌ به‌ڕێزه‌كانی په‌رله‌مانی كوردستان

بابه‌ت. به‌یاننامه‌. به‌پێی حوكمی بڕگه‌ى (چواره‌م)ى مـــادده‌ى (48) له‌ په‌یڕه‌وی ناوخـــــۆی په‌رله‌مانی كوردستان-عێراق، له‌سه‌ر داوای سه‌رۆك (فراكسیۆنی یه‌كێتی)، ده‌سته‌ی سه‌رۆكایه‌تیی په‌رله‌مان بڕیاریدا به‌زیادكردنی بڕگه‌یه‌ك به‌ رێزبه‌ندی (یه‌كه‌م) بۆ به‌رنامه‌ی كاری دانیشتنی ژماره‌ (دوو)ى ئاسایی رۆژی سێشه‌ممه‌ رێكه‌وتی 12ی 3ی 2019، به‌مشێوه‌یه‌ی خواره‌وه‌: 

یه‌كه‌م: سوێندخواردنی پاڵێوراو به‌ڕێز (راهی ره‌هبه‌ر ابراهیم) له‌ شوێنی ئه‌و پاڵێوراوه‌ی كه‌ سوێندی یاسایی نه‌خواردووه‌، به‌پێی مادده‌ی (یه‌كه‌م) له‌ یاسای ژماره‌ (13)ى ساڵی 2009. 

له‌گه‌ڵ رێزدا.
ده‌سته‌ی سه‌رۆكایه‌تیی په‌رله‌مانى كوردستان - عێراق