ڕێگای کورتەک لە بناری قەندیل داڕوخا

بەشێك لە ڕێگای كورتەك لە بناری قەندیل داڕوخا، بەهۆیەوە هاتوچۆی ئۆتۆمبێل بەسەر رێگاكەدا راگیرا.

بەھۆی باران بارینی زۆر لۆفەکانی کورتەک دارماوە، رێگاکە پەکی کەوتووە، بەو ھۆیەشەوە رێگای نێوان قەڵادزێی -سۆران -حاجی ئۆمەران داخراوە و گرفت و ئاریش بۆ شۆفێران و ژمارەیەکی زۆری گوند نیشینانی بناری قەندیل دروست بووە ، لەسنوری ناحیەی سەنگەرسەر.

بەهۆی ئەو شەپۆلە بارانبارینەی كە هەرێمی كوردستان و بناری قەندیلی گرتەوە، بووە هۆی داڕمانی بەشێك لە رێگای كورتەك لە بناری قەندیل و لە ئێستاشدا هاتوچۆكردنی ئۆتۆمبێل بەسەر رێگاكەدا راگیراوە.

لە دوای داڕمانی بەشێك لە رێگاكە، تیمەكانی شارەوانیی لەگەڵ رێگاوبانی راپەڕین و ناحیەی سەنگەسەر، لە هەوڵی چاكردنی بەشە رووخاوەكانی رێگاكەن.

لە ئەگەری چاكردنەوەی رێگاكە و كردنەوەی، لە رێگەی راگەیاندنەكانەوە شۆفێران و هاوڵاتیان ئاگاداردەكەنەوە.

دارشتنه‌وه‌ی: سامان زاهیر