سەرۆكایەتیی پەرلەمانی كوردستان و ژمارهیهك له سهرۆك هۆز و عهشیرهتی جبووری و ژمارهیهك له چین و توێژهكانی كوردستان سەردانی مەزاری نەمران لە بارزان كرد.
ئەمڕۆ 2019/4/18 سەرۆكایەتیی پەرلەمانی كوردستان و ژمارەیەك لە فراكسیۆنەكان و خەڵكی كوردستان لە شار و شارۆچكەكانەوە بۆ نوێكردنەوەی سۆز و پەیمان بۆ رێبازی پیرۆزی بارزانی سەردانی مەزاری نەمرانیان لە بارزان كرد.
بۆ نوێكردنەوەی بەڵێن و وەفا و پابەندبوونی بەردەوام بە ڕێبازی بارزانی، دەستەی سەرۆكایەتیی پەرلەمان و ژمارەیەك لە فراكسیۆنەكان، سەردانی مەزاری نەمرانیان لە بارزان كرد، دوای پێشوازیكردن لە لایەن نوێنەری سەرۆك بارزانی و لیژنەی پێشوازییەوە تاجەگوڵینەیان لەسەر مەزاری رابەر و باوكی رۆحیی نەتەوەی كورد، مستەفا بارزانی و كاك ئیدریسی هەمیشە زیندوو دانا.
هەر ئەمڕۆ بە دەیان هاووڵاتییش لە شار و شارۆچكەكانی كوردستانەوە سەردانی مەزاری نەمرانیان لە بارزان كرد و لە لایەن نوێنەری سەرۆك بارزانی، خەلات بارزانی و لیژنەی پێشوازییەوە پێشوازییان لێ كرا، دوای دانانی تاجەگوڵینە، سۆز و پەیمانیان بۆ رێبازی بارزانی نەمر و پارتی دووپات كردەوە و بەڵێنیان دا تا ماون لەسەر ئەم ڕێبازە درێژە بە خەبات و قوربانیدان بدەن تا گەلی كورد بە ئاواتەكانیان دەگەن.
ههروهها شاندێكی سهرۆك و هۆز و شێخی عهرهب له عهشیرهتی جبووری، سەردانی مەزاری نەمرانیان لە بارزان كرد و لە لایەن نوێنەری سەرۆك بارزانی، خەڵات بارزانی و لیژنەی پێشوازییەوە پێشوازییان لێ كرا، نوێنهری هۆزی جبووری ستایشی ئهو سهقامیگریه و ئهمن و ئاسایشی كرد كه له ههرێمی كوردستان بوونی ههیه، له سایهی سیاسهتی سهرۆك بارزانی گهڕاندهوه.
کۆمێنت (0)
تا ئێستا هیچ کۆمێنتێک نەکراوە.