بە بەشدارى زیاتر لە ملیۆنێک قوتابی تاقیکردنەوەى پۆلە ناکۆتاکان دەستى پێ کرد

تاقیکردنەوەى پۆلە ناکۆتاکان لە سەرتاسەرى هەرێمى کوردستان دەستى پێ کرد.

له‌ راگه‌یه‌ندراوێكی بەڕێوەبەرایەتى ڕاگەیاندنى وەزارەتى پەروەردە هاتووه‌، ئەمڕۆ شەممە ڕێکەوتى 11/5/2019ى زایینى، تاقیکردنەوەى پۆلە ناکۆتاکان لە سەرتاسەرى هەرێمى کوردستان دەستى پێ کرد. ئەم تاقیکردنەوانە تەنیا قۆناغەکانى 4 تا 8ى بنەڕەتى و 10 و 11ى ئامادەیی دەگرێتەوە. تاقیکردنەوەى پۆلە ناکۆتاکان کە (1.291.380 قوتابی) لە (6,061 قوتابخانە) تاقیکردنەوەى تێدا ئەنجام دەدەن، تا ڕێکەوتى 20/5/2019  بەردەوام دەبن.

پەروەردە گشتییەکانى پارێزگاکان ئامادەکارى تەواویان کردووە بۆ ئەوەى قوتابیان لە دۆخێکى گونجاو و بە دەروونێکى هێورەوە تاقیکردنەوەکانیان ئەنجام بدەن.
ئەمەى خوارەوەش ئامارى قوتابخانە و قوتابیانی بەشداربووى تاقیکردنەوەى پۆلە ناکۆتاکانە بە پێى پارێزگاکان:

ـ پارێزگاى هەولێر: ٥٦٢ هەزار قوتابی لە ٢١٥١ قوتابخانە، تاقیکردنەوە ئەنجام دەدەن.
ـ پارێزگاى سلێمانى: ٣٠٠ هەزار قوتابی لە ١٧٤٦ قوتابخانە، تاقیکردنەوە ئەنجام دەدەن.
ـ پارێزگاى دهۆک: ٣٤٥ هەزار قوتابی لە ١٦٤٨ قوتابخانە، تاقیکردنەوە ئەنجام دەدەن.
ـ پارێزگارى هەڵەبجە: ١٤,٣٨٠ قوتابی لە ١٤٦ قوتابخانە، تاقیکردنەوە ئەنجام دەدەن.
ـ ئیدارەى گەرمیان: ٧٠ هەزار قوتابی لە ٣٧٠ قوتابخانە، تاقیکردنەوە ئەنجام دەدەن.